CNI Entertainment News

၂၀၂၂ ခုနှစ်၊ မတ်လ ၂၄

Netflix စတား ထိုင်းမင်းသား Beam Papangkorn ဟာ မတ်လ ၂၃ ရက်နေ့က အိပ်ပျော်နေစဉ်အတွင်း ကွယ်လွန်သွားခဲ့ပါတယ်။

သတင်းတွေအရတော့ Beam ရဲ့ အမေက သူ့ကိုအရင်ဆုံးတွေ့ရှိခဲ့တာဖြစ်ပြီး Beam ဟာ ပုံမှန်မဟုတ်ဘဲ အချိန်အကြာကြီး အိပ်ပျော်နေပုံရလို့ စိတ်ပူပြီး သူ့ကို နှိုးလိုက်တဲ့အချိန်မှာ အသက်မရှူ‌တဲ့အတွက် ချက်ခြင်း ဆေးရုံကို ပို့ခဲ့ပေမယ့် နောက်ကျသွားခဲ့ပါတယ်။

Beam ရဲ့ အေဂျင်စီမှ ပြောရေးဆိုခွင့်ရှိသူက Beam ကွယ်လွန်သွားကြောင်းအတည်ပြုခဲ့ပါတယ်။

“သေဆုံးရတဲ့အကြောင်းရင်းကို ဆုံးဖြတ်ဖို့ ဆွေမျိုးတွေက ဆရာဝန်ကို သေမှုသေခင်းစစ်ဆေးဖို့ တောင်းဆိုထားပါတယ်။ အသေးစိတ်အချက်အလက်အသစ်များရှိပါက ချက်ချင်းအကြောင်းကြားပါမည်” လို့ သူတို့က ပြောပါတယ်။

မင်းသား Bean ဟာ Netflix စီးရီးဖြစ်တဲ့ The Stranded မှာခေါင်းဆောင်မင်းသားအဖြစ် ပါဝင်ခဲ့ပြီး 
 ၁၉၉၆ ခုနှစ်မှာမွေးဖွားခဲ့ကာ ယခုဆိုရင် အသက် ၂၆ နှစ်ရှိပြီ ဖြစ်ပါတယ်။

Beam ဟာ 2015 ခုနှစ်မှာ သရုပ်ဆောင်လောကကို ရောက်ရှိလာခဲ့ပြီး Netflix ရဲ့စီးရီးတစ်ခုဖြစ်တဲ့ The Stranded မှာ ခေါင်းဆောင်မင်းသားအဖြစ် ပါဝင်ပြီး လူသိများခဲ့တာပါ။

လွန်ခဲ့တဲ့ သုံးရက်က သူ့ရဲ့ Instagram မှာ တင်ခဲ့တဲ့ ဓာတ်ပုံမှာ ကျန်းကျန်းမာမာနဲ့တွေ့ရှိခဲ့တာကြောင့် အခုလို ရုတ်တရက် ကွယ်လွန်သွားခြင်းဟာ လူအများကို အံ့အားသင့်စေခဲ့ပါတယ်။

Source-Hype