- By CNI
- Category: ကျန်းမာရေး
- Hits: 2751
CNI International News
ဘေဂျင်း၊ ဒီဇင်ဘာ ၂၇
တရုတ်နိုင်ငံသားများသည် မှောင်ခိုဈေးကွက်အတွင်းမှ ကိုဗစ်-၁၉ ရောဂါဆိုင်ရာ ဆေးဝါးများကို ဝယ်ယူ နေကြ သည်ဟု South China Morning Post က ဖော်ပြထားသည်။
နိုင်ငံတွင်း ဗိုင်းရပ်စ်ပျံ့ပွားမှု ရုတ်ချည်း မြင့်တက်လာချိန်တွင် တရားဝင် ခွင့်ပြုထားသော ဆေးဝါးများကို အကန့် အသတ်ဖြင့်သာ ဝယ်ယူရရှိနိုင်ခြင်းကြောင့် ယခုကဲ့သို့ တရားမဝင်ဈေးကွက်မှ ဆေးဝါးများဘက်သို့ လှည့်လာခဲ့ ခြင်း ဖြစ်သည်။
တရုတ်နိုင်ငံတွင် ကိုဗစ်-၁၉ ကာကွယ်ဆေး ၂ မျိုးကိုသာ ခွင့်ပြုပေးထားသည်။ ထိုဆေးများမှာ တရုတ်ကုမ္ပဏီ တစ်ခုဖြစ်သော Genuine Biotech မှ ထုတ်လုပ်သော Pfizer’s Paxlovid နှင့် HIV ဆေးဝါးတစ်မျိုးဖြစ်သော Azvudine တို့ဖြစ်သည်။
သို့သော် ထိုနှစ်မျိုးမှာ သတ်မှတ်ထားသော ဆေးရုံတွင်သာ ရရှိနိုင်သည်။ ထိုသို့ ဆေးဝါးများ အကန့်အသတ် ဖြင့်သာ ရှိနေခြင်းနှင့် ဈေးနှုန်း အခြေအနေတို့ကြောင့် တရုတ်နိုင်ငံသား အများစုမှာ အိန္ဒိယမှ တင်ပို့သော ဈေးသက်သာသည့် တရားမဝင် ဆေးများဘက်သို့ လှည့်လာခြင်း ဖြစ်သည်။
တရုတ် ကိုဗစ်ဆေး ဝယ်ယူနေကြစဉ် (Reuters)
လက်ရှိ အချိန်တွင် တရုတ်၏ လူမှုကွန်ယက်တစ်ခုဖြစ်သော Weibo ၌ တစ်ဗူးယွမ် ၁၀၀၀ တန် ကိုဗစ်တားဆီးရေး အာနိသင်တူ အိန္ဒယဆေးဝါးဟု ရှာဖွေသူ အရေအတွက်မှာ သိသိသာသာ မြင့်တက်လာပြီး ဆေးရရှိရေးအတွက် အပြန်အလှန် လမ်းညွှန်ခြင်း၊ နည်းလမ်းပေးခြင်းတို့ကိုလည်း ဆောင်ရွက်လာသည်ကို တွေ့ရသည်။
ထို့နောက် လက်ရှိတွင် တရုတ်နိုင်ငံ၌ အိန္ဒိယဘက်မှ အာနိသင်တူညီသည့် ကိုဗစ်ကာကွယ်ရေး ဆေးဝါးလေးမျိုးကို တရားမဝင် ရောင်းချလျက်ရှိသည်။
၎င်းတို့မှာ Primovir၊ Paxista၊ Molnunat နှင့် Molnatris တို့ဖြစ်သည်။
တရုတ် ကိုဗစ်လူနာများကိုတွေ့ရစဉ် (GETTY IMAGES)
လက်ရှိ တရားဝင် ဈေးကွက်အတွင်း Paxlovid ဈေးတစ်ဗူးကို ယွမ် ၂၉၈၀ ဖြင့် ဝယ်ယူနေရချိန်တွင် အိန္ဒိယဆေး များမှာ ယွမ် ၅၃၀ မှ ၁၆၀၀ အတွင်းသာ ဈေးရှိသည်ဟု Tencent News တွင် ဖော်ပြထားသည်။
Primovir နှင့် Paxista တို့သည် Paxlovid နှင့်အာနိသင်တူ ဆေးဝါးများဖြစ်ပြီး Molnunat နှင့် Molnatris တို့မှာ Merck ၏ Molnupiravir နှင့် အာနိသင်တူ ဖြစ်သည်။ သို့သော် ထိုဆေးများကို တရုတ်အစိုးရက တရားဝင် ခွင့်ပြု ထားခြင်း မရှိသောကြောင့် ၎င်းတို့ကို ရောင်းချခြင်းမှာ အပြစ်ပေးနိုင်သည့် ပြစ်ဒဏ်ချိုးဖောက်မှုလည်း ဖြစ်သည်။
တရုတ်နိုင်ငံ၏ ဆေးဝါးဥပဒေအရ ခွင့်ပြုချက်မရှိဘဲ တင်သွင်းသော ဆေးဝါးများကို ဆေးဝါးအတုဟု မသတ်မှတ် တော့ သော်လည်း အဆိုပါ ဆေးဝါးများ ဖြန့်ဖြူးရာတွင် ပါဝင်သူများကို လိုင်စင်မရှိဘဲ တင်သွင်းခြင်းဖြင့် ပြစ်ဒဏ် ပေးနိုင်နေဆဲ ဖြစ်သည်။
ထို့ကြောင့် တရုတ်နိုင်ငံတွင်းမှ ဆရာဝန်များနှင့် ကျန်းမာရေးပညာရှင်များက လိုင်စင်မရှိသော အရောင်း ကိုယ်စား လှယ် များနှင့် WeChat ကဲ့သို့ အပလီကေးရှင်းများ အပါအဝင် တရားမဝင် Channel နယ်များမှ ဆေးဝါးများ ကြောင့် ဖြစ်လာနိုင်သည့် ဆိုးကျိုးများအကြောင်း သတိပေးမှုများ လုပ်ဆောင်ကာ မဝယ်ယူရန် တိုက်တွန်း လျက်ရှိသည်။
Source: South China Morning Post
- By CNI
- Category: ကျန်းမာရေး
- Hits: 2613
CNI International News
ဘေဂျင်း၊ ဒီဇင်ဘာ ၂၄
တရုတ်နိုင်ငံတွင် တစ်ရက်အတွင်း ကိုဗစ် - ၁၉ ရောဂါကူးစက်ခံရသူပေါင်း ၃၇ သန်းနီးပါးရှိသည်ဟု Bloomberg သတင်းတွင်ဖော်ပြထားသည်။ ဗုဒ္ဓဟူးနေ့တွင်ကျင်းပခဲ့သော တရုတ်အမျိုးသားကျန်းမာရေး ကော်မရှင်၏ အစည်းအဝေးမှတ်တမ်းများကို အခြေခံကာ ယခုကဲ့သို့ ဖော်ပြခဲ့ခြင်းဖြစ်သည်။
သောကြာနေ့တွင်ထုတ်ပြန်ခဲ့သောသတင်းတွင် တရုတ်လူဦးရေ၏ ၁၈ ရာခိုင်နှုန်းဖြစ်သော လူ ၂၄၈ သန်းသည် ဒီဇင်ဘာလ ပထမ ရက် ၂၀ အတွင်း၌ ဗိုင်းရပ်စ်ကူးစက်ခံခဲ့ရသည်ဟု ရေးသားထားသည်။ နိုင်ငံအနှံ့ ကန့်ကွက် ဆန္ဒပြမှုများကြောင့် တရုတ်အစိုးရသည် ၎င်းတို့၏တင်းကြပ်သော ကိုဗစ်တားဆီးရေး သတ်မှတ်ချက်များကို ဖြေလျော့ပေးခဲ့ရသည်။
ထိုသို့ဖြေလျော့ပေးပြီးနောက် နိုင်ငံတွင်းဗိုင်းရပ်စ် ကူးစက်ခံရသူအရေအတွက်မှာ သိသိသာသာမြင့်တက်လာသည်ကိုတွေ့ရသည်။ နိုင်ငံ၏ Zero-COVID မူဝါဒတွင် ရောဂါကူးစက်မှုအနည်း ငယ်ရှိသည်နှင့်ပင် မြို့ကြီးများအပါအဝင်မြို့တစ်ခုလုံးကို လုံးဝပိတ်ပစ်ခဲ့သည်။
သို့သော်လက်ရှိအချိန်တွင် ထိုသို့သော ကန့်သတ်ချက်များအများစုကို လျော့ပေါ့ပေးခဲ့ပြီဖြစ်သည်။ ထို့အပြင် တရုတ်နိုင်ငံသည် လူအစုလိုက် အပြုံလိုက်ကို စစ်ဆေးခြင်းမူဝါဒကိုလည်း ရပ်တန့်ခဲ့ကာ နိုင်ငံတွင်း ရောဂါ လက္ခဏာမပြဘဲ ဗိုင်းရပ်စ်ကူးစက်ခံရသည်ဆိုခြင်းမျိုးလည်း မရှိတော့ပေ။
ဒီဇင်ဘာလ ၂၃ ရက်နေ့က ရှန်ဟိုင်းမြို့ Changning ခရိုင်ရှိ ဆေးရုံတစ်ခု၏ Fever Clinic ဧရိယာတွင် လူများ ဆေးကုသမှုခံယူနေစဉ်(ဓါတ်ပုံ-အေအက်ဖ်ပီ)
ယင်းကြောင့် အဆိုပါအခြေအနေများမှတစ်ဆင့် ဗိုင်းရပ်စ်ပိုးနှင့် လုံးဝမထိတွေ့ရသေးသူများတွင် ရောဂါကူးစက် ခြင်းမျိုးပေါ်ပေါက်လာခြင်းနှင့် ပြီးခဲ့သည့်လအတန်ကြာကတည်းက ထိုးထားသော ကာကွယ်ဆေး၏ အာနိသင် လျော့ပါးမှုဖြစ်လာနိုင်ခြင်းစသည်တို့နှင့်ပတ်သက်၍ စိုးရိမ်မှုများလည်းရှိလာသည်။ ထို့အပြင် နိုင်ငံ၏ကျန်းမာရေး စနစ်သည် အစိုးရ၏ မျှော်လင့်မထားသော မူဝါဒပြောင်းလဲမှုနှင့်ပတ်သက်၍ စနစ်တကျ ပြင်ဆင်ထားခြင်း မရှိ သောကြောင့် ဆေးရုံများနှင့်ကျန်းမာရေးဌာနများသည် ထိုအခြေအနေကို ထိန်းချုပ်ရန် ရုန်းကန်ရနိုင်ဖွယ် ရှိနေသည်။
ကျန်းမာရေးဆိုင်ရာအချက်အလက်များကောက်ယူသော ကုမ္ပဏီတစ်ခုဖြစ်သည့် Airfinity က လက်ရှိ တရုတ်နိုင်ငံ တွင် နေ့စဉ်လူ ၅၀၀၀ ခန့် ကိုဗစ်ကြောင့်သေဆုံးနေကာ အများဆုံး တစ်သန်းနီးပါ နေ့စဉ် ရောဂါပိုးကူးစက်ခံနေရ သည်ဟု ခန့်မှန်းထားသည်။
ယခုတစ်ကြိမ် ဗိုင်းရပ်စ်ပျံ့ပွားမှုတွင်လူပေါင်း ၁ ဒသမ ၃ သန်းမှ ၂ ဒသမ ၁ သန်းအထိ သေဆုံးနိုင်သည်ဟု ကျွမ်းကျင်သူများက ခန့်မှန်းထားကြောင်းလည်း Airfinity ကပြောသည်။ Airfinity ကကြာသပတေးနေ့တွင် ထိုသို့ထုတ်ပြန်ခဲ့ခြင်းဖြစ်ကာ ယင်းနှင့်တစ်ရက်တည်းတွင် ထုတ်ပြန်ခဲ့သော အစိုးရ၏ အချက်အလက်များတွင်မူ ကူးစက်မှုအရေအတွက်မှာ ၄၀၀၀ အောက်သာရှိပြီး တစ်နိုင်ငံလုံးတွင် ကိုဗစ်ကြောင့်လူသေဆုံးမှု လုံးဝမရှိဟု ဖော်ပြထားသည်။
Soure:Aljazeera
![](/images/Bajrakitiyabha_AP16.12.22.jpg)
- By CNI
- Category: ကျန်းမာရေး
- Hits: 2760
CNI International News
ဘန်ကောက်၊ ဒီဇင်ဘာ ၁၆
ထိုင်းဘုရင် မဟာ ဗာဂျီရာလောင်ကွန်း (Maha Vajiralongkorn)၏ အကြီးဆုံးသမီးတော်သည် နှလုံးရောဂါဖြင့် ဆေးရုံတင်ထားရကြောင်း တော်ဝင်နန်းတော်မှ ထုတ်ပြန်ခဲ့သည်ဟု အယ်ဂျာဇီးယားသတင်းတွင် ဖော်ပြထားသည်။
အသက် ၄၄ နှစ်အရွယ် မင်းသမီးဖြစ်သူ ဘတ်ရာကစ်တီယာဘာ့ (Bajrakitiyabha)သည် တနင်္လာနေ့တွင် သတိလစ် လဲကျသွားခြင်းကြောင့် ထိုသို့ ဆေးရုံတင်ခဲ့ရခြင်း ဖြစ်သည်။
မင်းသမီးသည် ထိုင်းစစ်တပ်က ကြီးမှူးကျင်းပသည့် နိုင်ငံအရှေ့မြောက်ပိုင်း နာခွန် ရတ်ချာစီမာ (Nakhon Ratchasima) ပြည်နယ်ရှိ လုပ်ငန်းသုံး ခွေးချန်ပီယံရှစ် ပြိုင်ပွဲကို တက်ရောက်နေစဉ် ဒီဇင်ဘာ ၁၄ ရက်နေ့ အစော ပိုင်းတွင် ထိုသို့ ဖြစ်ပွားခဲ့ခြင်း ဖြစ်သည်ဟု နန်းတော်က ထုတ်ပြန်သည်။
မင်းသမီး၏ အခြေအနေ ပြန်လည် တည်ငြိမ်သွားချိန်တွင် သူမကို ရဟတ်ယာဉ်ဖြင့် ဘန်ကောက်သို့ ပို့ဆောင်ခဲ့ ကြောင်း နန်းတော်မှ ထုတ်ပြန်ချက်တွင် ဖော်ပြထားသော်လည်း အသေးစိတ်ကို ရှင်းလင်းထားခြင်း မရှိပေ။
မင်းသမီးသည် ဒီဇင်ဘာ ၁၅ ရက်နေ့တွင် ဘန်ကောက်မြို့ရှိ ချူလာလောင်ကွန်း (Chulalongkorn) ဆေးရုံသို့ တက်ရောက်ကာ ကုသမှုနှင့် စစ်ဆေးမှုများ ခံယူခဲ့သည်။
မင်းသမီးဖြစ်သူ ဘတ်ရာကစ်တီယာဘာ့နဲ့ မိသားစုကိုတွေ့ရစဉ် (GETTY IMAGES)
ဘာ့မင်းသမီးဟု ထင်ရှားသော မင်းသမီး ဘတ်ရာကစ်တီယာဘာ့သည် ထိုင်းဘုရင်၏ တရားဝင်သား သမီး ၃ ဦး ထဲမှ ၁ ဖြစ်သည်။
ထို့ကြောင့် သူမသည် ၁၉၂၄ ထီးနန်း ဆက်ခံခြင်းဆိုင်ရာ ဥပဒေနှင့် ထိုင်းနိုင်ငံ၏ အခြေခံဥပဒေတို့အရ ထီးနန်းကို ဆက်ခံခွင့် ရှိသူလည်း ဖြစ်သည်။
သို့သော် လက်ရှိအချိန်အထိ ထိုင်းဘုရင်က ထီးနန်းဆက်ခံမှုနှင့်ပတ်သက်၍ တရားဝင် လျာထားခြင်း မရှိသေး သလို မင်းသမီးအနေဖြင့် ထီးနန်းဆက်ခံခွင့်နှင့် ပတ်သက်၍ တရားဝင် ဆွေးနွေးပြောဆိုခြင်းမျိုးလည်း မရှိသေးပေ။
မင်းသမီးသည် ကုလသမဂ္ဂ အဖွဲ့အစည်းများ အပြင် သြစတြီးယား၊ ဆလိုဗေးနီးယားနှင့် ဆလိုဗက်ကီးယားနိုင်ငံတို့ သို့ ထိုင်းသံအမတ်အဖြစ် တာဝန်ယူခဲ့ဖူးသူ ဖြစ်သည်။
ဘုရင်စနစ် ဆက်လက် အကျုံးဝင်နေဆဲဖြစ်သော ထိုင်းနိုင်ငံတွင် ပြီးခဲ့သည့် နှစ်များအတွင်း ဘုရင့်အာဏာကို ဖယ်ရှားပေးရန် တောင်းဆိုမှုများနှင့် တော်ဝင်မိသားစုကို ဆန့်ကျင်ဆန္ဒပြမှုများ ရှိခဲ့သည်။ လက်ရှိ ထိုင်းဘုရင် ဗာဂျီရာလောင်ကွန်းသည် ဖခင်ဖြစ်သူ ဘုရင်ကြီး ဘူမိဘော အဒူရာဒတ် (King Bhumibol Adulyadej) နတ်ရွာစံ ခဲ့ပြီးနောက် ၂၀၁၆ ခုနှစ်၊ ဒီဇင်ဘာတွင် ထိုင်းဘုရင်အဖြစ် တင်မြှောက်ခံခဲ့ရသည်။
Source: အယ်ဂျာဇီးယား
![](/images/ScreenCOVID.jpg)
- By CNI
- Category: ကျန်းမာရေး
- Hits: 2318
CNI International News
ဘေဂျင်း၊ ဒီဇင်ဘာ ၅
တရုတ်နိုင်ငံသည် ကမ္ဘာ့အတင်းကြပ်ဆုံး ဗိုင်ရပ်စ်ပျံ့နှံ့မှု ထိန်းချုပ်ရေး စည်းကမ်းတချို့ကို ဖြေလျော့ပေးခဲ့ပြီး မူကွဲများသည် ပို၍အားပျော့လာပြီ ဖြစ်ကြောင်း အာဏာပိုင်များက ပြောသည်ဟု AP သတင်းတွင် ဖော်ပြထားသည်။
သို့သော် လူသန်းပေါင်းများစွာကို နေအိမ်တွင်း ပိတ်လှောင်မှု ဖြစ်စေပြီး အစိုးရဆန့်ကျင်ရေး ဆန္ဒပြပွဲများ ပေါ်ပေါက်စေခဲ့သည့် Zero-COVID မဟာဗျူဟာကို အဆုံးသတ် လိုက်တော့မည်လား ဆိုသည်ကိုတော့ ပြောဆိုခဲ့ခြင်း မရှိပေ။
တနင်္လာနေ့(ဒီဇင်ဘာ ၅ ရက်)က ဘေဂျင်းနှင့် ကျန်မြို့ အနည်းဆုံး ၁၆ မြို့မှ ခရီးသွားလာသူများသည် လပေါင်း များစွာအတွင်း ပထမဆုံးအဖြစ် လွန်ခဲ့သည့် ၄၈ နာရီအတွင်း ဗိုင်းရပ်စ်နှင့်ပတ်သတ်သော စစ်ဆေးမှု တစ်စုံ တစ်ရာမရှိဘဲ ဘတ်စ်ကားများနှင့် မြေအောက်ရထားများကို ပြန်လည် စီးနင်းခွင့် ရရှိခဲ့ပြီ ဖြစ်သည်။
ဂွမ်ဇူး အပါအဝင် စီးပွားရေး အချက်အချာ နေရာများ၌ ဈေးကွက်များနှင့် စီးပွားရေး လုပ်ငန်းများ ပြန်လည် ဖွင့်လှစ်ခဲ့ပြီး ကူးစက်မှုရှိနေသည့် နေရာတချို့မှလွဲ၍ ကျန်နေရာများတွင် ထိန်းချုပ်ထားမှုများကို ဖြေလျော့ ပေးခဲ့ပြီ ဖြစ်သည်။
တရုတ် မြို့ပြအတွင်းက အမျိုးသမီး တစ်ဦး လမ်းလျှောက်သွားနေစဉ် (AP)
ပြီးခဲ့သည့် သီတင်းပတ်တွင် တရုတ်အစိုးရက အသက် ၇၀ နှင့် ၈၀ ကျော် လူဦးရေး သန်းပေါင်းများစွာကို ကာကွယ်ဆေး ထိုးပေးမည့် အစီအစဉ်ကို ထုတ်ပြန်ခဲ့သည်။
၎င်းက zero-COVID ဆိုင်ရာ တင်းကြပ်မှုများကို အဆုံးသတ်နိုင်ရေး အခြေအနေ တစ်ခုဖြစ်သော်လည်း နိုင်ငံတွင်း ခရီးသွား ဝင်ရောက်မှုအပြင် ကုန်ထုတ်လုပ်မှုနှင့် ကမ္ဘာ့ကုန်သွယ်ရေးတို့ကို ထိခိုက်စေခဲ့သည်။
သို့သော် ကာကွယ်ဆေးထိုးနှံခြင်းက zero-COVID လျှင်လျှင်မြန်မြန် အဆုံးသတ်ရေးအတွက် မျှော်လင့်ချက်များကို ရှင်သန်စေခဲ့သော်လည်း ကျန်းမာရေးနှင့်စီးပွားရေး ပညာရှင်များက ထိုသို့ ဖြစ်လာနိုင်ရန် ခက်ခဲဦးမည်ဟု သုံးသပ်သည်။
ကာကွယ်ဆေး ထိုးနှံမှု အရေအတွက် လုံလုံလောက်လောက် ရှိရန်နှင့် အလျင်အမြန် ရောဂါကူးစက်ခြင်းကို ကိုင်တွယ်ရန် ဆေးရုံများကို ပြင်ဆင်ထားရခြင်းမှာ ၂၀၂၃ ခုနှစ် အလယ်ပိုင်းနှင့် ၂၀၂၄ ခုနှစ်အတွင်းမှာ ဖြစ်လာနိုင် သည်ဟု သတိပေးသည်။
တရုတ် ကိုဗစ် စစ်ဆေးနေစဉ် (AP)
အာဏာပိုင်များဘက်မှ ယခုကဲ့သို့ အလျော့ပေး လာရခြင်းမှာ ပြည်သူများ၏ zero COVID အဆုံးသတ်ရေး ဆန္ဒပြ တောင်းဆိုမှုများ နောက်တွင် ပေါ်ပေါက်လာခြင်း ဖြစ်သည်။
တရုတ်ပြည်သူများ၏ ကန့်ကွက် ဆန္ဒပြမှုများကြောင့် ကွာရန်တင်းနှင့် အခြားသော တင်းကြပ်မှုများကို ဖြေလျော့ ခြင်းဖြင့် မတည်ငြိမ်မှုများကို အဆုံးသတ်သွားမည်ဟု ကွန်မြူနစ်ပါတီဘက်က အစောပိုင်းတွင် ကတိပြုခဲ့သည်။ ယခုကဲ့သို့ အာဏာပိုင်များဘက်မှ သဘောထား ပျော့ပြောင်း လာရခြင်းမှာ ပြည်သူများ၏ အမျက်ဒေါသကို ဖြေလျော့ရန် ကြိုးပမ်းမှု ဖြစ်သည်ဟု သုံးသပ်မှုများ ရှိသော်လည်း ဖြေလျော့မှုများနှင့် ဆန္ဒပြပွဲများအကြား ဆက်စပ်နေမှုကို ဖော်ပြသည့် ထင်ရှားသော ညွှန်းဆိုချက်မျိုးကိုတော့ မတွေ့ရသေးပေ။
တရုတ်နိုင်ငံသည် ကိုဗစ် အခြေအနေများမှ ရုန်းထွက်ရန် ကြိုးပမ်းနေရဆဲဖြစ်သည့် တစ်ခုတည်းသော ကမ္ဘာ့ အင်အားကြီး နိုင်ငံလည်း ဖြစ်သည်။
Source: AP
![](/images/305992793_632383928446030_298116764392943495_n.jpg)
- By CNI News
- Category: ကျန်းမာရေး
- Hits: 2849
CNI International News
၂၀၂၂ ခုနှစ်၊ စက်တင်ဘာ ၉
အင်္ဂလန်ဘုရင်မကြီး Elizabeth II ဟာ အသက် ၉၆ နှစ်အရွယ်မှာ ကွယ်လွန်သွားပြီဖြစ်တယ်လို့ ဘက်ကင်ဟမ်နန်းတော်က အတည်ပြု ထုတ်ပြန်ခဲ့ပါတယ်။
ဘုရင်မကြီး Elizabeth II ဟာ ဒီနေ့ အင်္ဂလန်စံတော်ချိန် နေ့လယ်ပိုင်း Balmoral မှာ ကွယ်လွန်သွားခဲ့တာ ဖြစ်ပါတယ်။
မနက်ဖြန်မှာ သူ့ရဲ့ ရုပ်ကလာပ်ကို လန်ဒန်ကို သယ်ဆောင်မယ်လို့ သိရပါတယ်။
![](/images/220901074149-01-saudi-arabia-drug-bust-exlarge-169_1.jpg)
- By CNI
- Category: ကျန်းမာရေး
- Hits: 2032
CNI International News
အဘူဒါဘီ၊ စက်တင်ဘာ ၃
ပြီးခဲ့သည့် ဧပြီလ ရမ်ဇာလန်ဘာသာရေးကာလ ဆော်ဒီအာရေဗျနိုင်ငံတွင် မူးယစ်ဆေးစွဲသူတစ်ဦးက နေအိမ်ကို မီးတင်ရှို့ပြီး မိသားစုဝင် ၄ ဦးကို သေဆုံးစေခဲ့သည့်ရာဇဝတ်မှုကို မီဒီယာများ၌ ကျယ်ကျယ်ပြန့်ပြန့် ဖော်ပြခဲ့ကြသည်။
ထိုဖြစ်စဉ်၌ ကျူးလွန်သူသည် မူးယစ်ဆေးဝါး မက်သာဖက်တမင်းအနွယ်ဝင် ရှာဗူး (shabu) အလွန်အကျွံ စွဲလန်း သူဖြစ်ကြောင်း ရဲတပ်ဖွဲ့၏ပြောကြားချက်ကို ကိုးကားလျက် အရှေ့အလယ်ပိုင်းဒေသတွင်းရှိ သတင်းစာများက ရေးသားခဲ့ကြသည်။
ဆော်ဒီအာရေဗျနိုင်ငံရှိ မီဒီယာများတွင် မူးယစ်ဆေးသုံးစွဲ ထူပြောလာခြင်းအကြောင်း သတိပေးနှိုးဆော်ခဲ့ကြပြီး ဆော်ဒီသို့ မူးယစ်တင်ပို့ရောင်းချမှုသည် အခြားစစ်ပွဲများထက် ပိုမိုအန္တရာယ်ကြီးကြောင်း ဆောင်းပါးရှင်က ထောက်ပြခဲ့သည်။
ရီယာ့ဒ်မြို့တော်ရှိ ဂိုဒေါင်တစ်ခုထဲမှ အဖက်တမင်းဆေးပြား ၄၇ သန်းနီးပါးကို ဂျုံမှုန့်တင်ပို့ကုန်များကြားထဲတွင် ရောနှောဝှက်ထားခဲ့ရာမှ သိမ်းဆည်းရမိခဲ့သဖြင့် ၎င်းတို့နိုင်ငံ၏သမိုင်းတွင် တရားမဝင်ဖမ်းဆီးရမိမှု အများဆုံး ပမာဏဖြစ်ကြောင်း ဩဂုတ် ၃၁ ရက်တွင် ကြေညာခဲ့သည်။
ယင်းသို့ စံချိန်တင်ဖမ်းဆီးရမိမှုသည် အရှေ့အလယ်ပိုင်း၏ မူးယစ်ဆေးဝါးဆုံချက်မြို့တော်အဖြစ် ဆော်ဒီအာရေဗျ ၏ ကြီးထွားလာမှု၊ ဆီးရီးယားနှင့်လက်ဘနွန်တို့မှ မှောင်ခိုသမားများအတွက် အရေးပါသည့်နေရာဖြစ်လာမှုတို့ကို ပြသနေခဲ့သည်။
ဆော်ဒီအာရေဗျ တပ်ဖွဲ့ဝင်များမှ သင်္ဘောဖြင့်တင်ဆောင်လာသည့် ကုန်ပစ္စည်းများထဲမှ မူးယစ်ဆေးဝါးများကို ရှာဖွေနေစဉ်(ဓါတ်ပုံ-Assad Hanna/Twitter)
ဩဂုတ် ၃၁ ရက် စစ်ဆင်ရေးသည် မူးယစ်ဆေးဝါးဖမ်းဆီးရမိမှုတွင် အကြီးဆုံးမှောင်ခိုလုပ်ငန်း ကြိုးပမ်းမှုတစ်ရပ် ဖြစ်ကြောင်း ဆော်ဒီမူးယစ်ထိန်းချုပ်ရေးညွှန်ကြားမှုဦးစီးဌာနက ပြောသည်။
မူးယစ်ဆေးဝါးများ သိမ်းဆည်းရမိသည့်နေရာကို ဆော်ဒီအာဏာပိုင်များက အတိအကျမထုတ်ဖော်ခဲ့ပေ။
မူးယစ်နှင့်မှုခင်းဆိုင်ရာကုလသမဂ္ဂရုံး (UNODC) ၏မက်သာဖက်တမင်းဖမ်းဆီးရမိမှု အစီရင်ခံစာတွင် ယင်း မူးယစ်ဆေးများသည် ကက်တဂွန် (Captagon) အမှတ်တံဆိပ်ပါ ဆေးပြားများဟူ၍ ရေးသားဖော်ပြခဲ့သည်။
ကက်တဂွန်သည် မူလက စိတ်ကြွစေသည့်ဓါတုပစ္စည်း ဖန်နက်ဖလိုင်း (fenethylline) ပါဝင်သော ဆေးဖက်ဝင် အမျိုးအမယ်များအတွက် အမှတ်တံဆိပ်အမည်ဖြစ်သည်။
ထိုဓာတုပစ္စည်းများကို ယခုအခါ တရားဝင်မထုတ်လုပ်တော့သော်လည်း ဆေးဝါးအတုများကို အရှေ့အလယ်ပိုင်းမှ ပုံမှန်ဖမ်းဆီးရမိနေကြောင်း ဥရောပမူးယစ်စွဲလန်းမှုအခြေအနေစောင့်ကြည့်ဌာနထံမှ သိရသည်။
ယခုသီတင်းပတ်အစောပိုင်းတွင်လည်း အိုမန်ပင်လယ်ကွေ့ရှိ ငါးဖမ်းသင်္ဘောတစ်စင်းပေါ်မှ ဒေါ်လာသန်းနှင့်ချီ၍ တန်ဖိုးရှိသည့် မက်သာဖက်တမင်းဆေးပြား ၃၂၀ ကီလိုဂရမ်နှင့် ဘင်းစ်ကီလိုဂရမ် ၃၀၀၀ နီးပါးကို အမေရိကန် ကမ်းခြေစောင့်ရေတပ်သင်္ဘောက သိမ်းဆည်းရမိခဲ့သည်။
Source: CNN
![](/images/PIC011.8.jpg)
- By CNI
- Category: ကျန်းမာရေး
- Hits: 1312
CNI Intetnational News
ပြုံယမ်း၊ ဩဂုတ် ၁၁
မြောက်ကိုရီးယားခေါင်းဆောင် ကင်မ်ဂျုံအန်းသည် Covid-19 ပြည်တွင်းဖြစ်ပွားမှုကို ကြေညာပြီး နောက် ၃ လအကြာ ကပ်ရောဂါကာကွယ်မှု အစီအမံများကို ဖြေလျှော့ရန် အမိန့်ပေးခဲ့ခြင်းက အငြင်းပွားစရာဖြစ်နေသည်ဟု အေပီသတင်းက ရေးသား ဖော်ပြသည်။
ထိုသို့ ကူးစက်မှု ဖြေရှင်းခြင်း အောင်မြင်မှုကို အခိုင်အမာ ပြောကြားလာခြင်းသည် ကမ္ဘာ့ကျန်းမာရေး လောကအတွက် အံ့အားသင့်စရာ၊ အငြင်းပွားစရာ တစ်ခုအဖြစ် အသိအမှတ်ပြု ခံရဖွယ်ရှိကြောင်း အေပီက ဆက်လက် ရေးသားခဲ့သည်။
အစ်ကိုဖြစ်သူ ကင်မ်ဂျုံအန်းသည် ကူးစက်ခံရပြီး ဖျားနာခဲ့ရာ တောင်ကိုရီးယားနယ်စပ် ဖြတ်ကျော် ဝင်ရောက်လာသော လက်ကမ်း စာစောင်များတွင် ရောဂါကပ်ငြိပါလာနိုင်၍ ကင်မ်ဂျုံအန်း၏ညီမက တောင်ကိုရီးယားကို အပြစ်တင်ခဲ့ကြောင်း၊ သေစေနိုင်လောက်သော လက်တုံ့ပြန်မှုဟု သတိပေးခဲ့ကြောင်း မြောက်ကိုရီးယား၏ တရားဝင်သတင်းဌာနဖြစ်သော KCNA က ဖော်ပြခဲ့သည်။
မြောက်ကိုရီးယားသည် စီးပွားရေး အကျပ်အတည်း ရှိနေချိန်၌ ကင်မ်ဂျုံအန်း၏ အကြွင်းမဲ့အာဏာကို ထိန်းချုပ်ထားနိုင်ရန် အတွက် ရောဂါဖြစ်ပွားမှု အတိုင်းအတာကို လိုသလို ကြိုးကိုင်ခဲ့ပုံရသည်ဟု ကျွမ်းကျင်ပညာရှင်များက ယုံကြည်ထားကြ သည်။
မြောက်ကိုရီးယားခေါင်းဆောင် ကင်မ်ဂျုံအန်း၏ ညီမဖြစ်သူ (KCNA)
ကပ်ရောဂါ နှိမ်နင်းရေး အောင်ပွဲခံမှုသည် ကင်မ်၏ အခြားဦးစားပေး ရည်မှန်းချက်များထံသို့ အာရုံလွှဲရန် အချက်ပြသည်ဟု ၎င်းတို့ပညာရှင်များက ယုံကြည်ထားသော်လည်း ကင်မ်၏ညီမဖြစ်သူထံမှ ထွက်ပေါ်လာသော သဘောထား မှတ်ချက်ကြောင့် ဒေါသစိတ်ကို ပုံဖော်မည့်အရေး စိုးရိမ်နေကြသည်။
ကိုရီးယား နှစ်နိုင်ငံ အရေးကိစ္စများကို ကိုင်တွယ်နေသည့် တောင်ကိုရီးယားဘက်မှ ပြန်လည်ပေါင်းစည်းရေးဝန်ကြီးဌာနက ကြေညာချက် တစ်စောင်ထုတ်ပြန်ခဲ့ပြီး ကင်မ်ဂျုံအန်း ကူးစက်ခံရပုံ အရင်းအမြစ်နှင့်ပတ်သက်၍ ရယ်စရာကောင်းသည့် ပြောဆိုမှုများအပေါ် အခြေခံကြောင်း၊ မြောက်ကိုရီးယား၏ မခန့်လေးစားနှင့် ခြိမ်းခြောက်သည့် သဘောထား မှတ်ချက်များ အပေါ် အလွန်အမင်း ဝမ်းနည်းမိကြောင်း တုံ့ပြန်ခဲ့သည်။
မြောက်ကိုရီးယားသည် ပြီးခဲ့သည့် မေလတွင် အိုမိုက်ခရွန်ဗိုင်းရပ်စ် ကူးစက်ခံရကြောင်း ထုတ်ဖော် ဝန်ခံခဲ့ကတည်းက ၎င်း၏ လူဦးရေ ၂၆ သန်းတွင် ကူးစက်ဖြစ်ပွားမှုပေါင်း ၄ ဒသမ ၈ သန်းရှိကြောင်း သတင်းထုတ်ပြန်ခဲ့သော်လည်း ဖြစ်ပွားမှုနှုန်း၏ တစိတ်တပိုင်းသာ ရှိခဲ့သည်။
ယခုနောက်ပိုင်း ရောဂါဖြစ်ပွားမှုနှုန်း နှေးကွေးလာသဖြင့် မကြာသေးမီ သီတင်းပတ်များအတွင်း သေဆုံးသူ ၇၄ ဦးသာရှိ ကြောင်း ပြောကြားခဲ့သည်။
Source: AP
![](/images/monkey_pox5.8.jpg)
- By CNI
- Category: ကျန်းမာရေး
- Hits: 1213
CNI International News
ဝါရှင်တန်၊ ဩဂုတ် ၅
အမေရိကန်နိုင်ငံသား ၇,၁၀၀ ကျော်ကို ကူးစက်ခဲ့သည့် မျောက်ကျောက် ရောဂါဖြစ်ပွားမှု တုံ့ပြန်ရေး အားကောင်း စေဖို့ ဖက်ဒရယ်အစိုးရက ဩဂုတ် ၄ ရက်နေ့တွင် ပြည်သူ့ကျန်းမာရေး အရေးပေါ်အခြေအနေ ကြေညာလိုက် ကြောင်း အေပီသတင်းတစ်ပုဒ်တွင် တွေ့ရသည်။
အဆိုပါ ကြေညာချက်အရ ကူးစက်ဗိုင်းရပ်စ် တိုက်ဖျက်ရေးအတွက် ငွေကြေးနှင့် အခြား အရင်းအမြစ်များကို အခမဲ့ ထုတ်ပေးမည် ဖြစ်သည်။ ရောဂါလက္ခဏာများမှာ အဖျားတက်ခြင်း၊ ကိုယ်လက်ကိုက်ခဲခြင်း၊ ချမ်းတုန်ခြင်း၊ ပင်ပန်း နွမ်းနယ်ခြင်းနှင့် ခန္ဓာကိုယ် အနှံ့အပြား ဝက်ခြံကဲ့သို့ အဖုအထစ် ပေါက်လာခြင်းတို့ ဖြစ်လာနိုင်သည်ဟု သိရသည်။
“ဒီဗိုင်းရပ်စ်ကို ကိုင်တွယ်ဖြေရှင်းရာမှာ နောက်တစ်ဆင့်တက်လှမ်းဖို့ ကျနော်တို့ အသင့်ပြင်ဆင်ထားပါတယ်။ အမေရိကန်နိုင်ငံတိုင်း မျောက်ကျောက်ရောဂါကို အလေးအနက် ဂရုစိုက်ကြဖို့ တိုက်တွန်းနှိုးဆော်နေပါတယ်” ဟု အမေရိကန်အစိုးရ၊ ကျန်းမာရေးနှင့်လူမှုဝန်ထမ်းဌာနအကြီးအကဲ ဇီဗီယားဘက်ဆယ်ရာ (Xavier Becerra) က ပြောကြားခဲ့သည်။
ဘိုင်ဒန်အစိုးရသည် မျောက်ကျောက်ရောဂါ ကာကွယ်ဆေး ရရှိရေးအတွက် ဝေဖန်မှုများနှင့် ရင်ဆိုင်နေရချိန်တွင် ယခုကဲ့သို့ ကျန်းမာရေးဌာနမှ ကြေညာချက်ထွက်ပေါ်လာခြင်းဖြစ်သည်။
နယူးယောက်နှင့် ဆန်ဖရန်စစ္စကိုကဲ့သို့ မြို့ကြီးများတွင် ဆေးပေးခန်းများအနေဖြင့် နှစ်ကြိမ်ထိုးကာကွယ်ဆေးများ အလုံအလောက်မရခဲ့ကြောင်း ပြောဆိုနေကြပြီး အချို့ကတော့ ပထမတစ်ကြိမ် ဆေးရရှိရေးဦးစားပေးရသဖြင့် ဒုတိယအကြိမ်အတွက် ထိုးဆေးကို ဆိုင်းငံ့ရခြင်းများ ရှိခဲ့ရသည်။
အဆိုပါဆေးပမာဏ ၁ ဒသမ ၁ သန်းကျော်အထိ ရရှိနိုင်ပြီး တစ်ပတ်လျှင် ရောဂါရှိ/မရှိ စမ်းသပ်စစ်ဆေးမှု ၈ သောင်းနှုန်းဖြင့် ပြည်တွင်းရောဂါရှာဖွေနိုင်စွမ်းကို မြှင့်တင်ဆောင်ရွက်ပေးနေကြောင်း အိမ်ဖြူတော်က ပြောကြား ခဲ့သည်။
မျောက်ကျောက်ဗိုင်းရပ်စ်ပိုးသည် လူအချင်းချင်း ပွေ့ဖက်ခြင်း၊ နမ်းရှုံ့ခြင်းအပြင် အိပ်ရာ၊ မျက်နှာသုတ်ပုဝါနှင့် အဝတ်အစားမျှဝေသုံးစွဲမှုတို့အပါအဝင် အရေပြားနှင့် ကြာရှည်စွာ ထိတွေ့ခြင်းတို့မှတဆင့် ပျံ့နှံ့သည်။
ယခုအချိန်အထိ အဖြစ်အများဆုံးမှာ အမျိုးသားအချင်းချင်း လိင်ဆက်ဆံကြသော အမျိုးသားများထံတွင်သာ တွေ့ရသည်။ သို့သော် ဗိုင်းရပ်စ်အနေဖြင့် မည်သူ့ကိုမဆို ကူးစက်နိုင်ကြောင်း အလေးထားကြရန် ကျန်းမာရေး အရာရှိများက တိုက်တွန်းထားသည်။
Source: AP
![](/images/vf-722-biden-covid.webp)
- By CNI News
- Category: ကျန်းမာရေး
- Hits: 1222
CNI International News
၂၀၂၂ ခုနှစ်၊ ဇူလိုင် ၂၁
အမေရိကန်သမ္မတ ဂျိုးဘိုင်ဒန်သည် COVID-19 တွင် ကူးစက်ခံထားရကြောင်း စမ်းသပ်တွေ့ရှိထားကြောင်း အိမ်ဖြူတော်က သတင်းထုတ်ပြန်ခဲ့သည်ဟု အယ်ဂျာဇီးယားက ယနေ့ (ဇူလိုင် ၂၁ ရက်) ရေးသား ဖော်ပြခဲ့သည်။
သို့သော် ရောဂါ လက္ခဏာမှာ အလွန်ပျော့ပျောင်းကြောင်း၊ ထို့ကြောင့် သမ္မတဂျိုးဘိုင်ဒန်သည် တာဝန်များကို ဆက်လက် ထမ်းဆောင်သွားမည်ဖြစ်ကြောင်း အိမ်ဖြူတော်က ထုတ်ပြန်ခဲ့သည်ဟုလည်း အယ်ဂျာဇီးယားက ဆက်လက် ရေးသားထားသည်။
![](/images/3916271.jpg)
- By CNI
- Category: ကျန်းမာရေး
- Hits: 1678
ထိုင်းပြည်တွင်းရှိ မျောက်တံငါများကို မျောက်ကျောက်ရောဂါ ရှိ/မရှိ စမ်းသပ်စစ်ဆေး
CNI International News
ဘန်ကောက်၊ ဇွန်လ ၂၂
ထိုင်းနိုင်ငံအောက်ပိုင်း ပြည်နယ်များတွင် လူဦးရေ ထိန်းချုပ်မှုဆိုင်ရာ လှုပ်ရှားမှုအတွင်း တောရိုင်းမျောက်တံငါ (Wild macaques) များကို မျောက်ကျောက်ရောဂါ စမ်းသပ် စစ်ဆေးခဲ့ကြောင်း အစိုးရတာဝန်ရှိသူတစ်ဦးက ဇွန်လ ၂၀ ရက်တွင် ပြောကြားခဲ့ကြောင်း ဘန်ကောက်ပို့စ် သတင်းအရ သိရသည်။
ကျောက်တာကိပ်နှင့် ကျောက်ဟင်လက် ဖိုင်တောင်များပေါ်တွင် ကျင်လည် ကျက်စားနေသည့် မျောက် အကောင်ရေ ၆၀၀ ခန့်ကို ပစ်မှတ်ထား ဖမ်းဆီးပြီး ရောဂါ စစ်ဆေးပေးရန် စစ်ဆင်ရေး လုပ်ဆောင်ချက်ကို ဇွန်လ ၁ ရက်က စတင်ခဲ့ကြောင်း ပတ်ချာဘူရီအခြေစိုက် သဘာဝထိန်းသိမ်းရေးနယ်မြေ ရုံးအမှတ် ၃ မှ ညွှန်ကြားရေးမှူး ဝမ်ချိုင်စင်တိုက ပြောသည်။
ယခုအချိန် မျောက်အကောင်ရေ ၂၀၀ ခန့် ဖမ်းဆီးနိုင်ခဲ့ပြီး စစ်ဆေးမှုများ ပြုလုပ်နေပြီဟု သိရသည်။
ထိုင်းနိုင်ငံက Monkey Zone
အဆိုပါ မျောက်အများစုတွင် ရောဂါပိုး မတွေ့ရဘဲ အားလုံးမှာ မျောက်ကျောက်ရောဂါ ကင်းစင်ကြောင်း စစ်ဆေး တွေ့ရှိခဲ့ ရသည်။
သန့်ရှင်းရေး မလုပ်ရသေးသည့် မျောက်တံငါများကို ထိုင်း အမျိုးသားဥယျာဉ်၊ တောရိုင်းတိရစ္ဆာန်နှင့် အပင်ထိန်းသိမ်းရေးဦးစီး ဌာနမှ တိရစ္ဆာန်ဆေးကုဆရာဝန်များက ပိုးသတ်ပေးမည် ဖြစ်သည်။
ဟွာဟင်၊ ပရာချက်ခီရိခန်း ဒေသများရှိ မျောက်အားလုံးတွင် မျောက်ကျောက်ရောဂါ ကင်းစင်နေကြောင်း၊ ၎င်းမျောက်များ သည် ခရီးသွားများနှင့် ထိတွေ့မှုရှိ၍ ကူးစက်ခံရမည်ကို စိုးရိမ်ကြောင်း မစ္စတာဝမ်ချိုင်က ရှင်းပြသည်။
ရည်မှန်းချက် လျာထားသည့်အတိုင်း မပြည့်မီမချင်း ရောဂါဆိုင်ရာ စစ်ဆင်ရေးကို ဆက်လက် လုပ်ဆောင်သွားမည်ဟု ၎င်းက ဖြည့်စွက်ပြောကြားခဲ့သည်။
ရာချက်ခီရိခန်း ဒေသတွင် မျောက်ကောင်ရေ များပြားလာမှုမှာ နှေးကွေးနေဆဲရှိကြောင်း ဝမ်ချိုင်က အသိပေး ပြောကြားခဲ့ သည်။
Source: Bangkok Post