- By CNI
- Category: နိုင်ငံရေး
- Hits: 844
CNI News
၂၀၂၂ ခုနှစ်၊ နိုဝင်ဘာ ၁၈
အမျိုးသားနေ့တွင် နစက-က နိုင်ငံရေးအကျဉ်းသားများကို လွတ်ငြိမ်းချမ်းသာခွင့် ပေးခဲ့ခြင်းကြောင့် လက်ရှိ နိုင်ငံရေး အကျပ်အတည်းများကို ဖြေရှင်းနိုင်မည့် ဆွေးနွေးရေး လမ်းကြောင်းပေါ် ပြန်ရောက်လာရန် မျှော်လင့် ကြောင်း ပြည်သူ့ပါတီ(PP)ဥက္ကဋ္ဌ ဦးကိုကိုကြီးက CNI သတင်းဌာနသို့ ပြောသည်။
နစကသည် နိုဝင်ဘာ ၁၇ ရက်နေ့တွင် ကျရောက်သည့် အမျိုးသားနေ့ အထိမ်းအမှတ်ကို ဂုဏ်ပြုသော အားဖြင့် ၈၈ ကျောင်းသားခေါင်းဆောင်ဟောင်း ဦးမြအေး၊ NLD မှ ဗဟိုအလုပ်အမှုဆောင်ကော်မတီဝင် ဒေါက်တာမျိုးညွန့် နှင့် ဦးသိန်းဦး၊ NLD ဉပဒေအကြံပေး ဦးကျော်ဟိုး၊ NLD အစိုးရလက်ထက် နိုင်ငံတော်အတိုင်ပင်ခံရုံးဝန်ကြီး ဦးကျော်တင့်ဆွေ၊ စာရေးဆရာမောင်သာချို၊ ရွှေညဝါဆရာတော်တို့ လွှတ်ပေးခဲ့သည်။
ထို့နောက် NLD အစိုးရလက်ထက် ဒေါ်အောင်ဆန်းစုကြည်၏ စီးပွားရေးအကြံပေး ရှောင်တာနယ်၊ ဗြိတိန် သံမတ် ကြီးဟောင်း မစ္စဗစ်ကီဘိုမန်းနှင့် ခင်ပွန်းသည်တို့ အပါအဝင် အကျည်းသား/သူ ၅၇၇၄ ဦးကို လွတ်ငြိမ်းချမ်းသာ ခွင့်ပေးခဲ့သည်။
နိုင်ငံရေးအရ တာဝန်ရှိသည့်ပုဂ္ဂိုလ်များ လွတ်မြောက်လာသည့်အတွက် ၎င်းတို့နှင့်ဆိုင်ရာ အဖွဲ့အစည်းများတွင် စွမ်းဆောင်နိုင်အားများ တိုးလာမည်ဟု မြင်မိကြောင်း ဦးကိုကိုကြီးက CNI သတင်းဌာနသို့ ပြောသည်။
ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီးမင်းအောင်လှိုင်ကိုတွေ့ရစဉ်
၎င်းက “ကျနော်တို့ကလေ လွတ်လာတဲ့သူတွေအတွက် ဝမ်းသာတာပေါ့၊ ဘာလို့လဲဆို မိသားစုနဲ့ ပြန်လည် ဆုံစည်းခွင့် ရတယ်ပေါ့။ ဒါကတော့ သာမန်လူသား တစ်ယောက်အနေနဲ့။ နောက်တစ်ခုကတော့ နိုင်ငံရေးအရ တာဝန်ရှိတဲ့သူတွေ လွတ်လာတဲ့အခါကြတော့ သူ့ဆိုင်ရာ၊ ဆိုင်ရာ အဖွဲ့အစည်းတွေမှာ စွမ်းဆောင်နိုင်တဲ့ လုပ်နိုင် တဲ့ အားလည်း တိုးလာတယ်လို့ ကျနော်ကတော့ မြင်ပါတယ်။ တဖက်ကကြလည်း မလွတ်သေးတဲ့ ကျန်နေတဲ့ ရဲဘော်တွေ အတွက်လည်း ကျနော်တို့က အမြန်ဆုံး လွတ်မြောက်ဖို့ ကျနော်တို့က တောင်းဆိုပါတယ်။ လွတ် လည်း လွတ်စေချင်တယ်၊ နိုင်ငံရေးတင်းမာမှု ရှိနေသမျှ ကာလပတ်လုံးက ဒီနိုင်ငံရေးအကျဉ်းသားက ရှိနေမှာပဲ၊ ဒါကြောင့် ကျနော်တို့က နိုင်ငံရေးအကျဉ်းသား ရှိနေတယ်ဆိုတာဟာ နိုင်ငံရေးပြဿနာ ဘယ်လောက် နက်နက် ရှိုင်းရှိုင်း ဖြစ်ပေါ်နေတယ်ဆိုတာ ပြသနေတာလည်း ဖြစ်တဲ့အခါကြတော့ ဒီဟာကို အမြန်ဆုံး ဖြေလျှော့နိုင်ဖို့ နိုင်ငံ ရေးနည်းအရ ဆွေးနွေးဖြေရှင်းတဲ့ လမ်းကြောင်းပေါ် ပြန်ရောက်လာဖို့ ကျနော်ကတော့ အဓိက မျှော်လင့်ပါတယ်” ဟု ပြောသည်။
အဆိုပါ နိုင်ငံရေးအကျဉ်းသားများမှာ ယခင်ကတည်းက ဖမ်းသင့်သည့်ပုဂ္ဂိုလ်များ မဟုတ်ကြောင်း၊ ၎င်းတို့မှာ ပြစ်မှု တစ်စုံတစ်ရာ ကျူးလွန်ထားခြင်း မရှိကြောင်း ရခိုင်နိုင်ငံရေးသမား ဦးဖေသန်းက CNI သတင်းဌာနသို့ ပြောသည်။
နစက၏ လွတ်ငြိမ်းဖြင့် လွတ်မြောက်လာသူများကိုတွေ့ရစဉ်
၎င်းက “ဒီတစ်ကြိမ်မှာတော့ သူတို့ ပဏ္ဍာယူတဲ့အနေနဲ့ ဒီလူတွေကို လွှတ်ပေးတာပေါ့ဗျာ၊ လွှတ်ပေးတယ်၊ လူကြား ကောင်းအောင်ပေါ့၊ သူတို့ သဘောထား ကြီးတယ်ဆိုတဲ့ ပုံစံပေါ့၊ ဆိုလိုတာက သူတို့အစိုးရရဲ့ ပုံရိပ်ကို ပြန်ပြီး အဖတ်ဆယ်ခြင်းသာ ဖြစ်ပါတယ်။ နောက်တစ်ခုက သူတို့ လာမယ့် ရှေ့ခရီးလမ်းအတွက်ပေါ့နော်၊ ရွေးကောက်ပွဲ လုပ်လာမယ်၊ အဲဒါမျိုးအတွက် သူတို့ အပြုသဘောဆောင်တဲ့ လုပ်ရပ်တွေကို လုပ်တယ်၊ စလုပ်တယ်ဆိုတဲ့ ပုံစံမျိုး လည်း မြင်အောင်ပေါ့၊ အဲဒီလို လွှတ်ပေးတာ ဖြစ်တယ်၊ ဒါပေမဲ့ ဒီလူတွေမှာ လွှတ်ပေးတယ်လို့ ဆိုပေမဲ့ ကြိုးတုတ် ပြီးတော့ လွှတ်ပေးလိုက်တာပါ။ ဒီလူတွေ ဘာမှပြောခွင့် ဆိုခွင့်မရှိအောင် လက်မှတ်ထိုးပြီးတော့ တကယ်တမ်း ပြောရင် သူတို့ကို ဝေဖန်ထောက်ပြရင် ငါတို့ အရင်ပုဒ်မတွေရော၊ နောက်အသစ် ပုဒ်မတွေရော ပြစ်ဒဏ်တွေကို တစ်ပေါင်းတည်း ကျခံရမယ်ဆိုတဲ့ ပုဒ်မနဲ့ အဲဒီလိုပဲ နိုင်ငံရေးသမားတွေကို လွှတ်ပေးလေ့ ရှိပါတယ်။ ကြိုးတုတ်ပြီး တော့ ပြန်လွှတ်ပေးလိုက်တာပေါ့ဗျာ၊ ပါးစပ်ပိတ်ပြီးတော့ ပြန်လွှတ်ပေးလိုက်တာပေါ့။ ဒါပါပဲ အဓိကကတော့” ဟု ပြောသည်။
နိုင်ငံရေးအရ ဖြေလျော့ရန် လိုအပ်သည့် အချိန်တွင် နိုင်ငံရေးအကျဉ်းသား လွှတ်ပေးခြင်းက အကောင်းဆုံး ပြယုတ်ဖြစ်ကြောင်း ဦးကိုကိုကြီးက ပြောသည်။
နစက-ကသည် လွတ်ငြိမ်းချမ်းသာခွင့်ဖြင့် လူဦးရေ ၅၇၇၄ ဦးကို လွတ်ပေးခဲ့ပြီး ထိုအထဲမှာ နိုင်ငံရေးပုဒ်မဖြင့် အရေးယူခံထားရသူ ၇၁၂ ဦး ပါဝင်သည်။
ယခု နစက၏ လွတ်ငြိမ်းအပေါ် ကြိုဆိုကြောင်း၊ ထိုသို့ ပြန်လွှတ်ပေးမှုသည် မြန်မာနိုင်ငံရှိ သက်ဆိုင်သူ အားလုံး အကြား တွေ့ဆုံဆွေးနွေးရေး လုပ်ငန်းစဉ် စတင်ရန်အတွက် သင့်လျော်သော လမ်းကြောင်းမှန် ဖန်တီးရန် အရေးကြီးသည့် အပြုအမူဖြစ်ကြောင်း မြန်မာနိုင်ငံဆိုင်ရာ အာဆီယံ အထူးကိုယ်စားလှယ် ပရတ်ဆိုခွန်က နိုဝင်ဘာ ၁၇ ရက်တွင် ထုတ်ပြန်ခဲ့သည်။
- By CNI
- Category: နိုင်ငံရေး
- Hits: 630
CNI News
၂၀၂၂ ခုနှစ်၊ နိုဝင်ဘာ ၁၈
၂၀၂၁ ခုနှစ်၊ ဖေဖော်ဝါရီ ၁၂ ရက်မှ ၂၀၂၂ ခုနှစ်၊ နိုဝင်ဘာ ၁၇ ရက်အထိ အကျဉ်းသား/သူ ၅၉၆၂၉ ဦးကို လွတ်ငြိမ်းချမ်းသာခွင့် ပေးခဲ့ကြောင်း နစက၏ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ယနေ့ (နိုဝင်ဘာ ၁၈ ရက်)တွင် ၂၁ ကြိမ်မြောက် သတင်းစာ ရှင်းလင်းပွဲမှာ ပြောကြားခဲ့သည်။
၂၀၂၁ ခုနှစ်၊ ဖေဖော်ဝါရီ ၁၂ ရက်(ပြည်ထောင်စုနေ့)က အကျဉ်းသား/သူ ၂၃၃၆၉ ဦး(နိုင်ငံခြားသား ၅၅ ဦး၊ ပြည်တွင်း ၂၃၃၁၄ ဦး)၊ ၂၀၂၁ ခုနှစ်၊ ဧပြီ ၁၇ ရက်(မြန်မာနှစ်သက်ကူးနေ့)တွင် အကျဉ်းသား/သူ ၂၃၁၈၄ ဦး (နိုင်ငံခြားသား ၁၃၇ ဦး၊ ပြည်တွင်း ၂၃၀၄၇ ဦး)၊ ၂၀၂၁ ခုနှစ်၊ အောက်တိုဘာ ၁၈ ရက်(သီတင်းကျွတ်အခါသမ ယ)၌ အကျဉ်းသား/သူ ၅၆၇၀ ဦး(ပြည်တွင်း ၅၆၇၉ ဦး) တို့ကို လွတ်ငြိမ်းချမ်းသာခွင့်ပေးခဲ့သည်။
နစက-က လွတ်ငြိမ်းချမ်းသာခွင့်ပေးခဲ့တဲ့ စာရင်းကိုတွေ့ရစဉ်
ထို့နောက် ၂၀၂၂ ခုနှစ်၊ မတ်လ ၂ ရက်တွင် အကျဉ်းသား/သူ ၇ ဦး(နိုင်ငံခြားသား ၁ ဦး၊ ပြည်တွင်း ၆ ဦး)၊ ၂၀၂၂ ခုနှစ်၊ ဧပြီ ၁၇ ရက်(မြန်မာနှစ်သစ်ကူးနေ့)၌ ၁၆၉၁ ဦး (နိုင်ငံခြားသား ၄၂ ဦး၊ ပြည်တွင်း ၁၅၇၇ ဦး)၊ ၂၀၂၂ ခုနှစ်၊ အောက်တိုဘာ ၂၀ ရက်မှာ အကျဉ်းသား ၆ ဦး (ပြည်တွင်း ၆ ဦး)၊ ၂၀၂၂ ခုနှစ်၊ နိုဝင်ဘာ ၁၇ ရက် (အမျိုးသားနေ့)မှာတော့ အကျဉ်းသား ၅၇၇၄ ဦး(နိုင်ငံခြားသား ၄ ဦး၊ ပြည်တွင်း ၅၇၇၀ ဦး)တို့ကို နစက-က လွတ်ငြိမ်းချမ်းသာခွင့် ပေးခဲ့သည်။
ထို့နောက် နစကသည် ၂၀၂၁ ခုနှစ်မှ ၂၀၂၂ ခုနှစ်၊ နိုဝင်ဘာ ၁၇ ရက်အတွင်း နိုင်ငံခြားသား ၂၃၉ ဦး၊ ပြည်တွင်း အကျဉ်းသား/သူ ၅၉၃၉၀ ဦး စုစုပေါင်း ၅၉၆၂၉ ဦးကို လွတ်ငြိမ်းချမ်းသာခွင့် ပေးထားကြောင်း ဗိုလ်ချုပ်ဇော်မင်းထွန်းက ပြောသည်။
- By CNI News
- Category: နိုင်ငံရေး
- Hits: 730
CNI News
၂၀၂၂ ခုနှစ်၊ နိုဝင်ဘာ ၁၇
၂၀၂၀ ရွေးကောက်ပွဲပြဿနာကို ဦးတည်၍ ဖြေရှင်းခြင်းသည် အရင်းခံနိုင်ငံရေး ပြဿနာအား ဖြေရှင်းခြင်း မဟုတ်သဖြင့် လက်ရှိ နိုင်ငံရေး အကျပ်အတည်းများကို ဖြေရှင်းနိုင်မည်မဟုတ်ဟု ရှမ်းပြည်ပြန်လည်ထူထောင် ရေးကောင်စီ(RCSS)က ယနေ့(နိုဝင်ဘာ ၁၇ ရက်)တွင် ထုတ်ပြန်ခဲ့သည်။
အကြိမ် ၄၀ နှင့် ၄၁ ကြိမ်မြောက် အာဆီယံ ထိပ်သီး အစည်းအဝေး၏ ဆုံးဖြတ်ချက်များအား ကြိုဆိုခြင်းနှင့် ပတ်သက်သည့် ထုတ်ပြန်ချက်တွင် အထက်ပါအတိုင်း ပြောကြားထားခြင်း ဖြစ်သည်။
RCSS က “၁၉၄၇ ပင်လုံစာချုပ်ကို အကောင်အထည်ဖော်နိုင်မှ နိုင်ငံရေးပြဿနာများကို ဖြေရှင်းနိုင်မည်၊ ၂၀၂၀ ရွေးကောက်ပွဲပြဿနာကို ဦးတည်၍ ဖြေရှင်းခြင်းသည် အရင်းခံနိုင်ငံရေး ပြဿနာအား ဖြေရှင်းခြင်း မဟုတ် သဖြင့် လက်ရှိ နိုင်ငံရေး အကျပ်အတည်းများကို ဖြေရှင်းနိုင်မည်မဟုတ်”ဟု ပြောသည်။
ထို့နောက် အာဆီယံ အနေဖြင့် တွေ့ဆုံ ဆွေးနွေးမည်ဆိုလျှင် တိုင်းရင်းသား လက်နက်ကိုင် တော်လှန်ရေး အဖွဲ့ အစည်းများ(EAO)၊ နစက (SAC)၊ နိုင်ငံရေးပါတီများ၊ တတ်သိပညာရှင်များ၊ ဘာသာရေးခေါင်းဆောင်များ အပါ အဝင် Stakeholders များ အားလုံးနှင့် တွေ့ဆုံ ဆွေးနွေး၍ ဝိုင်းဝန်းကြိုးပမ်း နည်းလမ်းရှာနိုင်မှသာ လက်ရှိ နိုင်ငံရေး အကျပ်အတည်းကို ဖြေရှင်းနိုင်မည်ဟု RCSS က ထုတ်ပြန်ခဲ့သည်။
အလားတူ ဖက်ဒရယ်ဒီမိုကရေစီပြည်ထောင်စု တည်ဆောက်ရာတွင် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) အသိသက်သေနိုင်ငံများ၊ အဖွဲ့အစည်းများ အနေဖြင့် ပါဝင်ကူညီပံ့ပိုးရန် လိုအပ် ကြောင်း RCSS က တိုက်တွန်းထားသည်။
RCSS သည် NCA စာချုပ် လက်မှတ်ရေးထိုးထားသော ရှမ်းလက်နက်ကိုင်အဖွဲ့ဖြစ်ပြီး နစကနှင့် ငြိမ်းချမ်းရေး လုပ်ငန်းစဉ်များ တွေ့ဆုံ ဆွေးနွေးလျက်ရှိနေသည်။
လက်ရှိ မြန်မာနိုင်ငံတွင် ၂၀၂၀ အထွေထွေရွေးကောက်ပွဲ၌ အမျိုးသားဒီမိုကရေစီအဖွဲ့ချုပ်(NLD)သည် မဲစာရင်း များ အငြင်းပွားမှုကို မဖြေရှင်းဘဲ အစိုးရဖွဲ့စည်းရေး ကြိုးပမ်းသည်ဟုဆိုကာ မြန်မာ့တပ်မတော်က ဖြုတ်ချ၍ နိုင်ငံတော်ကို အရေးပေါ် ကြေညာထားသည်။
ထို့နောက် နိုင်ငံရေး အကျပ်အတည်းဖြစ်ကာ လက်နက်ကိုင်ပဋိပက္ခများ စစ်ကိုင်းတိုင်းဒေသကြီး၊ မကွေးတိုင်း ဒေသကြီး၊ ချင်းပြည်နယ်၊ ကရင်ပြည်နယ်၊ ကယားပြည်နယ်တို့တွင် ဖြစ်ပွားနေသည်။
အဆိုပါ လက်နက်ကိုင် ပဋိပက္ခများကြောင့် ၂၀၂၂ ခုနှစ်၊ အောက်တိုဘာ ၃၁ ရက်နေ့အထိ နေအိမ်၊ အဆောက် အအုံ(ဘာသာရေး အဆောက်အအုံများ အပါအဝင်) ၃၈၅၆၈ လုံးထက် မနည်း မီးရှို့ဖျက်ဆီးခြင်း ခံထားရ ကြောင်း ISP Myanmar က ထုတ်ပြန်ထားသည်။
- By CNI News
- Category: နိုင်ငံရေး
- Hits: 714
CNI News
၂၀၂၂ ခုနှစ်၊ နိုဝင်ဘာ ၁၇
PDF နှင့် အခြား လက်နက်ကိုင်အမည်ခံ အဖွဲ့အစည်းများတွင် ပါဝင်နေသော ရှမ်းနီလူငယ်များအနေဖြင့် အချင်းချင်း တိုက်ခိုက်နေမှုများ ရပ်တန့်ရန် မိမိတို့အနေဖြင့် တိုက်တွန်းပါကြောင်း ရှမ်းနီအမျိုးသားများ တပ်မတော်(SNA)က နိုဝင်ဘာ ၁၇ ရက်တွင် ထုတ်ပြန်ခဲ့သည်။
လက်ရှိတွင် ရှမ်းနီဒေသများဖြစ်သော ဟုမ္မလင်းမြို့နယ်၊ ဗန်းမောက်မြို့နယ်တို့တွင် SNA နှင့် ရှမ်းနီ လူငယ်များ ပါဝင်နေသော PDF-KIA ပူးပေါင်းအဖွဲ့များကြား တိုက်ပွဲများ ဖြစ်ပွားလျက်ရှိနေသည်။
ရှမ်းနီအမျိုးသားများတပ်မတော်(SNA)သည် စစ်ကိုင်းတိုင်းအထက်ပိုင်း ဟုမ္မလင်းမြိုနယ်၊ ခန္တီးမြို့နယ်၊ ပင်လယ်ဘူး-ဖောင်း ပြင် ဒေသ အပြင် အိန္ဒိယနယ်စပ်တစ်လျှောက်နှင့် ကချင်ပြည်နယ်တို့တွင် လှုပ်ရှား နေသည့် တိုင်းရင်းသားလက်နက်ကိုင်အဖွဲ့ ဖြစ်သည်။
ရှမ်းနီအမျိုးသားများ တပ်မတော်(SNA)သည် စစ်ကိုင်းတိုင်းဒေသကြီးတွင် ပါဝင်နေသည့် မော်လိုက်ခရိုင်၊ ကလေး ခရိုင်၊ ခန္တီးခရိုင်၊ ကသာခရိုင်၊ တမူးခရိုင်နှင့် ကချင်ပြည်နယ်အတွင်း ပါဝင်နေသော ဗန်းမော်ခရိုင်၊ မြစ်ကြီးနားခရိုင်၊ မိုးညှင်းခရိုင်၊ မိုးကောင်း ဒေသတို့ကို စုစည်း၍ ရှမ်းနီပြည်နယ် ပြန်လည်ရရှိရေး ကြိုးပမ်း နေသည့် တိုင်းရင်းသား လက်နက်ကိုင်အဖွဲ့ ဖြစ်သည်။
- By CNI News
- Category: နိုင်ငံရေး
- Hits: 543
- By CNI News
- Category: နိုင်ငံရေး
- Hits: 696
- By CNI News
- Category: နိုင်ငံရေး
- Hits: 589
- By CNI News
- Category: နိုင်ငံရေး
- Hits: 499
CNI News
၂၀၂၂ ခုနှစ်၊ နိုဝင်ဘာ ၁၆
နိုဝင်ဘာ ၁၇ ရက်နေ့တွင် ကျရောက်မည့် အမျိုးသားနေ့ကို ဂုဏ်ပြုသော အားဖြင့် ရာဇသတ်ကြီး ဥပဒေပုဒ်မ ၅၀၅(က)အရ အရေးယူထားသည့် အနုပညာရှင်များနှင့် ပြစ်ဒဏ်ကျခံလျက်ရှိသူများအား လွတ်ငြိမ်းချမ်းသာခွင့်ပေးသွားမည်ဟု နစက-က ယနေ့ (နိုဝင်ဘာ ၁၆ ရက်)တွင် သတင်းထုတ်ပြန်ခဲ့သည်။
ထို့နောက် ၁၉၄၈ ခုနှစ်၊ လွတ်လပ်ရေးရပြီးနောက် ယနေ့ကာလအထိ နိုင်ငံတော်၏ တာဝန်များကို စွမ်းစွမ်းတမံ ထမ်းဆောင်ခဲ့သည့် ပုဂ္ဂိုလ်များအား ဘွဲ့တံဆိပ်များ ချီးမြှင့်သွားမည်ဟု ထုတ်ပြန်ချက်တွင် ဖော်ပြထားသည်။
- By CNI
- Category: နိုင်ငံရေး
- Hits: 690
CNI News
၂၀၂၂ ခုနှစ်၊ နိုဝင်ဘာ ၁၆
အရှေ့တောင်အာရှနိုင်ငံများအသင်း (အာဆီယံ)သည် မြန်မာကို အဖွဲ့ဝင်အဖြစ်ကနေ ထုတ်ပယ်ရန် မဖြစ်နိုင် ကြောင်း မြန်မာ့နိုင်ငံရေး လေ့လာသုံးသပ်သူ ဦးရဲထွန်းက CNI သတင်းဌာနသို့ ပြောသည်။
အာဆီယံအနေဖြင့် ဆုံးဖြတ်ချက်တစ်ခု ချမှတ်သည့်အခါ အားလုံးက သဘောတူသည့် ဆုံးဖြတ်ချက်ဖြစ်ရန် လိုအပ်ကြောင်း၊ ထုတ်ပယ်သည့် ပြစ်ဒဏ်ချမှတ်ရန် မလွယ်ကူကြောင်း ၎င်းက ပြောသည်။
ဦးရဲထွန်းက “အာဆီယံရဲ့ ပဋိညာဉ်မှာက ဆုံးဖြတ်ချက်တစ်ခု ချဖို့ဆိုရင် အားလုံးက သဘောတူတဲ့ ဆုံးဖြတ်ချက် ဖြစ်ဖို့လိုတယ်၊ အဲဒီတော့ အခု အာဆီယံအတွင်းက အဖွဲ့ဝင်တွေရဲ့ သဘောထားက မြန်မာအပေါ် သဘောထားက တော်တော်လေး ကွဲပြားနေတာပေါ့နော်၊ ထုတ်ပစ်မယ်ဆိုတဲ့ ပြစ်ဒဏ်ပေးဖို့ ဆုံးဖြတ်ချက်က အားလုံး သဘောတူ ညီချက်နဲ့ ချဖို့ မလွယ်ဘူး။ နောက်တစ်ခုက အာဆီယံရဲ့ ပဋိညာဉ်မှာက အားလုံးသဘောတူပြီးမှ ဆုံးဖြတ်ချက် ချနိုင်သလို ပြည်တွင်းရေးကို အဖွဲ့ဝင်နိုင်ငံတစ်ခုရဲ့ ပြည်တွင်းရေးကို ဝင်ရောက် မစွက်ဖက်ရဘူး။ နောက်တစ်ခါ ဖိအားပေးတာ၊ ခြိမ်းခြောက်တာ၊ အကျပ်ကိုင်တာ မလုပ်ရဘူးဆိုတဲ့ ပြဋ္ဌာန်းချက်ကလည်း ပါတယ်။ အဲဒီလို ဆုံးဖြတ်ချက်မျိုး ဖြစ်လာဖို့ကတော့ မလွယ်ဘူးလို့ ထင်တယ်၊ မဖြစ်နိုင်ဘူးလို့ ထင်တယ်” ဟု CNI သတင်းဌာနသို့ ပြောသည်။
အာဆီယံ အစည်းအဝေးတွင် မြန်မာကိုယ်စားလှယ်ထိုင်ခုံအလွတ်ကိုတွေ့ရစဉ်(Reuters)
ပြီးခဲ့သည့် နိုဝင်ဘာ ၁၀ ရက်က ကျင်းပခဲ့သည့် အာဆီယံထိပ်သီး ခေါင်းဆောင်များ အစည်းအဝေးတွင် မြန်မာ နိုင်ငံကို အာဆီယံအဖွဲ့ဝင် အဖြစ်မှ ထုတ်ပယ်ရန် နိုင်ငံတချို့က အဆိုပြုခဲ့ကြောင်း၊ ထိုအဆိုပြုမှုအပေါ် အငြင်း ပွားဖွယ် ဆွေးနွေးမှုများ ရှိခဲ့ကြောင်း ဖိလစ်ပိုင်သမ္မတ မားကို့စ်က ပြောကြားခဲ့သည်။
မြန်မာနိုင်ငံကို အာဆီယံအဖွဲ့ဝင်အဖြစ်မှ ထုတ်ပယ်ရန် အစီအစဉ် မဖြစ်နိုင်ကြောင်း တရားလွှတ်တော်ရှေ့နေ ဦးကြီးမြင့်က CNI သတင်းဌာနသို့ ပြောသည်။
၎င်းက “အဲဒီအထိတော့ ဖြစ်မှာ မဟုတ်ဘူးဗျ။ အာဆီယံဆိုတာ အစကလည်း ဘာမှမဟုတ်ဘူး။ ဟန်ဆောင် ပန်ဆောင်ပဲ လုပ်နေကြတာလေ။ အဲဒီလောက်အထိ လုပ်ဖို့ အစီအစဉ်မရှိပါဘူး။ စည်းမျဉ်းမှာလည်း မပါဘူး။ သူတို့ နောက်ထပ် စည်းမျဉ်းထပ်ထည့်ရင်တော့ လုပ်လို့ရပြီပေါ့။ တကယ်ကို ထုတ်ပစ်သင့်တယ်လို့ တကယ်ယူဆလို့ တကယ် တင်တာပါ။ စည်းမျဉ်းတွေနဲ့ ထောက်ထားရမယ့် နိုင်ငံရေးအကြောင်းတွေလည်း ရှိနေတယ်လေ။ အကြောင်းတွေကြောင့်မို့ မလုပ်ဘဲနေတာပါ” ဟု ပြောသည်။
မြန်မာ့နိုင်ငံရေး အကျပ်အတည်းကို ဖြေရှင်းရန် အာဆီယံအား မျှော်လင့်၍ မရကြောင်း၊ အာဆီယံအဖွဲ့အတွင်း တရုတ်လိုလားသည့် နိုင်ငံများ၊ အမေရိကန်လိုလားသည့် နိုင်ငံများ စသဖြင့် ကွဲပြားမှုရှိနေကြောင်း ဦးကြီးမြင့်က ပြောသည်။
အာဆီယံ ထိပ်သီး ခေါင်းဆောင်များ အစည်းအဝေးကျင်းပစဉ်
၂၀၂၂ ခုနှစ်၊ အောက်တိုဘာ ၂၇ ရက်နေ့က အင်ဒိုနီးရှားနိုင်ငံ၊ ဂျာကာတာမြို့မှာ ကျင်းပခဲ့သည့် အာဆီယံ နိုင်ငံခြား ရေးဝန်ကြီးများ အစည်းအဝေးမှ သဘောတူညီချက်များကို မြန်မာနိုင်ငံ ကိုယ်စားလှယ်အား တက်ရောက်ခွင့် မပြု ခဲ့ခြင်းကြောင့် လိုက်ပါ ဆောင်ရွက်မည် မဟုတ်ကြောင်း နစက၏ နိုင်ငံခြားရေးဝန်ကြီးဌာနက ထုတ်ပြန်ခဲ့သည်။
ဦးရဲထွန်းက “နစကကို အကြံပေးနေတဲ့ တချို့ကလည်း ဒီလို နစက-က အဖွဲ့ဝင်ဖြစ်ရဲ့သားနဲ့ နစက ထိပ်သီး ခေါင်းဆောင်ကို အာဆီယံအသင်းရဲ့ ထိပ်သီးအစည်းအဝေးမှာ တက်ခွင့်မရတာ အခု နိုင်ငံခြားရေးဝန်ကြီးကိုပါ တက်ခွင့် မပေးတော့တာတွေကြောင့် ဒါစော်ကားခံနေရတာ ဖြစ်တဲ့အတွက်ကြောင့်မို့လို့ ထွက်လိုက်ဖို့ဆိုပြီး အကြံ ပေးတာမျိုးတွေလည်း ရှိတယ်၊ ဒါပေမဲ့လို့ အာဆီယံအသင်းက ပြည်သူလူထုမဲနဲ့ တက်လာတဲ့ နောင်အစိုးရတွေ လက်ထက်ကြလို့ရှိရင်လည်း တစ်ခါပြန်ပြီးတော့ အသင်းဝင် ပြန်လျှောက်ရမှာဆိုတဲ့ အခါကြတော့ တစ်ခါပြန် ပြီးတော့ အခက်အခဲ ရှိနိုင်တာပေါ့နော်၊ ဒါကြောင့်မို့လို့ ရေရှည်အတွက် စဉ်းစားမယ်ဆိုလို့ရှိရင်တော့ ကိုယ်ဟာကို နုတ်ထွက်တယ်ဆိုတဲ့ ဟာမျိုးကတော့ မလုပ်တာကောင်းတယ်၊ လုပ်လိုက်လို့ရှိရင်တော့ ကိုယ်က အထီးကျန် ဖြစ်သွားနိုင်တာပေါ့နော်၊ ဘာဖြစ်လို့လဲဆိုတော့ အာဆီယံအသင်းထဲမှာကိုက နစကကို ထောက်ခံတဲ့ နိုင်ငံတွေ လည်း ရှိနေတာကိုး။ ဒါကြောင့်မို့လို့ နစက အနေနဲ့ ကျယ်ကျယ်ပြန့်ပြန့်၊ အမျှော်အမြင်ရှိရှိ စဉ်းစားမယ်ဆိုလို့ ရှိရင်တော့ သူ့ဖာသာသူ နုတ်ထွက်တာမျိုး လုပ်မှာ မဟုတ်ဘူးလို့ ယူဆရတာပေါ့နော်” ဟု CNI သတင်းဌာနသို့ ပြောသည်။
လက်ရှိတွင် အာဆီယံ သဘောတူညီချက် ၅ ချက်ကို နစက-က အကောင်အထည် ဖော်ပေးနိုင်မှု အားနည်း သည်ဟုဆိုကာ အာဆီယံအစည်းအဝေးများ၌ နစက၏ အဆင့်မြင့် ပုဂ္ဂိုလ်များအား တက်ရောက်ခွင့် မပေးဘဲ နိုင်ငံရေးနှင့်မဆိုင်သော သံတမန် တစ်ဦးကိုသာ တက်ရောက်ရန် အာဆီယံအဖွဲ့ဝင် နိုင်ငံများကြား ဆုံးဖြတ်ထားသည်။